قصيده هل الشتا للشاعره اسراء خلف "ليل"

  هل الشتا  للشاعره / اسراء خلف "ليل" هل الشتا وجابلي معاه كل اللي فات  جابلي مواجع وألم خذلان كتير  وحكايات دوست عليها من زمن  هل...

 

هل الشتا 

للشاعره / اسراء خلف "ليل"

هل الشتا وجابلي معاه كل اللي فات

 جابلي مواجع وألم خذلان كتير

 وحكايات دوست عليها من زمن

 هل الشتا و رجعلي تاني الذكريات

 ذكريات سكناني تفاصيلها وحاجات ما عرفتش انساها

 اه منه الشتا

 هل الشتاء وفكرني باللي حاولت ياما ان انساه

 هل رجعلي كل تفصيله انا عشتها وياه

 انا لسه فاكره وصعب أن  انساه

 لسه فاكره

 فاكره الحكايه بكل تفاصيلها ما هو صعب انسي

 اصل اللي فات ما هوش هين عشان انساه 

ما اعرفش مر على الفراق كام سنه 

بس برجع أتعب كل ما يقرب شتا

 مش قادره انسى مش قادره اعد وبحلم بيوم ارتحت فيه واصرخ واقول ارتحت

 كل ده مش حب فيه

 لكن خذلانه عايش جوايا 

وكل اللي فات سابلي علامه

 كل اللي فات انا اتألمت منه ياما ولسه بتالم

اه من الشتا 

ملخص الحكايه في جمله كده قريتها وعمري ما انساها

"احدهم شاركني الحياه سرق منى اجملها ورحل"

خد مني كل الحلو 

وخدت ايه انا منه

غير خذلان وجع وهموم خلوني اضعف من الورق

 حتى كل اللي جوايا اتحرق اصبح رماد ف بقتش اخاف من اي نار اصل عمرك شفت رماد بيتحرق 

انا مش مسامحه مش مسامحه بس بحبه

 ما اقصدش هو انا قصدي يعني على الشتا

برغم كل تفاصيله اوجاع وخذلانه والذكريات

 لكن هفضل للشتا 

بتفاصيله ولياليه واحكي معاه احلى حكايات

 يمكن صعب انسي

 لكن هتناسي واتجاهل واعدي

 ونفسه الشتا اللي شايلي ذكريات وجعي وحكايه القلب اللي مات

 هابني في لياليه احلى واجمل ذكريات 

هل الشتا لكن خلاص

 حلفت لاتغير واغير كل تفصيله لسه شايلها الشتا 

وهيبجي يوم

 واقول اهو هل الشتا وانا تمام

 متعبتش يعني من الشتا والذكريات

 ما هاكون حرقت ذكراه وحكياته بتفاصيله واوجاعه وخذلانه والذكريات 

 فمبقاش يفكرني الشتا

 ما بقاش فكرني الشتا

بقلم إسراء خلف"ليل"