قصيده القلب اياه للشاعر محمد التابعي عقل فاكر القلب إياه وحكايتك وياه كنت زمان بتقول عيشتى دى أحلى حياه ليه إتغير حالك زى فى قلبه ماشا...
فاكر القلب إياه
وحكايتك وياه
كنت زمان بتقول
عيشتى دى أحلى حياه
ليه إتغير حالك
زى فى قلبه ماشالك
كان لازم توفى بوعدك
ولا عمرك تنساه
تقفل قلبك ليه
على احزانك فيه
هى تلاهى الدنيا
نسوك طعم هواه
خلى الباب متوارب
يمكن قلبك طالب
فرحه تجدد عمرك
وتعيشها وياه
ويا القلب اياه
خايف تسمع منه
بس بتسأل عنه
ولما بتعرف انه
عنك عمره ماتاه
تعمل روحك عادى
قلبك قال مش فاضى
لكن لما تقابله
فى عيونك تلقاه
رغم البعد مابينكم
لسه الحب صاينكم
وادى القصه ودمتم
ارجعله هتلقاه
خطى الخطوه وغامر
اثبت حاول عافر
انت اكيد مش عاجز
تخلق احلى حياه
ويا القلب اياه.
محمد التابعي عقل
كُتاب عُظماء
قصيده القلب اياه
ليست هناك تعليقات