الشاعره/ لمياء وجيه .قصيده اكتئاب

  قصيده اكتئاب حاله خنقه وصوت عذاب صوت ضجيج القلب طالع  من الكلام او من السكات وفكرة إنى مليش صحاب وإنى وحيد وسط البشر لو يوم وقعت مش هلاقي ...

 

قصيده اكتئاب

حاله خنقه وصوت عذاب

صوت ضجيج القلب طالع 

من الكلام او من السكات

وفكرة إنى مليش صحاب وإنى وحيد وسط البشر

لو يوم وقعت مش هلاقي اللى يطبطب

من يكونلى صاحب يبقي جنبى يبقي سندى

مفيش..مفيش غير سندك ربنا

أوعاك تخاف

وقولهم إنى وحيد مرتاح

وإن بعدهم عنى لا قاتلنى ولا تعبان

بجد انا تلفان

وساعات الحزن بيكون أقسى

بس الضحكه قادره تخبى كل شئ قد كان

وبقلمى وضحكه مكسوره ومكان بعيد هادى

وكام قصه وكام صوره

نجمع في الذكريات من تانى

ولينا في كل مكان ذكرى وصوت ضحكه مع الحان

ليه سبتوتى ومشيتو!؟

فاكرين ان انا مرتاح!!

لا والله دا انا مكسور ودموعي تفيض تملى بحور وتبص في عيوني تتوه

اقسمتلك ان انا تعبان

قفلت عليا كل باب وحبستنى بين أربع حيطان وسبتنى مكبوت

لا قادر اخرج من حزني ولا طايل الموت بصارع كل شيء وحيد

مابقتش معايا غير نفسي بواجه كل خوفي ويأسى 

واطمن روحي بهدوء اوعاكى تخافى وتحنى

واقول لقلبى أقسي يقولى مانيش حجر ..فانسي 

واقوله لسه مخدوع فيهم دول وعدوك يبقو

فيقولى دى طيبتى مش قادر 

وفاكر انهم حلوين..حلوين!!؟

يا قلبى دول تعابين صدقنى انساهم

خلاص هابعد ودا قرارى وهانسى كل شيء والماضي

وهبدأ من جديد رحله حياتي من غير ولا تعب ولا خوف

وهاتحدى انا اى ظروف

وبضحكه وامل موجود هالف الكون واطوف

واحب من تانى ومش هاكون وحدانى

وهلاقى اللى يشاركنى فى كل تفاصيل حياتى 

بضحكتى ووجعى ودموعى

وفى وقت ضعفى يكونلى ضهر ونسهر كل يوم على البحر

وناخد صوره للذكرى..اهى ذكرى

مانيش عارف يمكن مفيش بكره

يمكن اموت دلوقت

وعارف ان بعد غيابى هتنسونى

ومش هيبقالى غير صوره على حيطه

ولما يفتكرونى يقولو كان طيب

فياريت تدعولى دعوه جميله

ويارب اختم على حسن سيره